Линктер

ЧУКУЛ КАБАР!
15-Июнь, 2021 шейшемби, Бишкек убактысы 13:26

Нарында жайыт талашкандар кайрадан чогулду


Иллюстрациялык сүрөт.

13-июнда кочкорлук чабандардын Кара-Кужур аймагына киришине каршы болгон Нарын районунун тургундары жайлоодо жыйын өткөрүштү курду. Нарын облустук ички иштер башкармалыгынын басма сөз кызматы кабарлагандай, Кара-Кужур аймагына 60тай киши чогулган. Кырдаалга милиция көз салып турду. Чогулгандарга өкмөттүн Нарындагы өкүлү Эмилбек Алымкулов жолукту.

Кара-Кужур аймагынын тургуну Нурлан Кашкалиевдин айтымында, Кочкор районунун чабандары Кара-Кужур кыштоосуна мыйзамсыз көчүп келишкен.

"Кара-Кужур - бул кыштоо. Бирок кочкорлук сегиз чабан келип боз үйлөрүн тигип, малын айдап келип алышты. Биз буга каршы чыгып чогулдук. Жыйынга биздин аймактан 100-150 кишидей келди. Кочкордон 200дөй киши келди окшойт. Мыйзамсыз фактылар болгон жок. Бирок талаш курч болду", -деди Кашкалиев.

Кочкор районуна тиешелүү Кара-Кужур өрөөнүн Нарын району жайытка пайдаланууга узак мөөнөткө алган.

Кыргызстан боюнча узак мөөнөткө пайдаланууга алган жайыттардын убактысы 2020-жылы бүтмөк. Бирок өкмөттүн токтому менен 2030-жылга чейин узартылган.

Кочкор районунун узак мөөнөткө пайдаланууга алган Нарын районундагы Кум-Бел жайлоосу бар. Бирок кочкорлуктарды ал жайытка Нарын районунун Жерге-Тал айылынын тургундары жол тосуп киргизбей коюшкан. Бул иш боюнча 5-июнда кылмыш иши козголгон. Бирок андан бери жайыт талаш бир жаңсыл чечиле элек. (MiK)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG