Линктер

ЧУКУЛ КАБАР!
20-Июнь, 2021 жекшемби, Бишкек убактысы 13:18

Үсөнбаев жарандарды санитардык эрежелерди сактоого чакырды


Бишкектеги соода борборлорунун бирине кирүү учуру. 26-май, 2020-жыл.

Саламаттык сактоо министринин орун басары Нурболот Үсөнбаев акыркы күндөрү коронавирус илдетине чалдыккан адамдар көбөйүп жатканын белгилеп, мунун себебин жарандардын санитардык талаптарды аткарбай жатканы менен байланыштырды. Анын айтуусунда, кийинки убакта ооруну кайдан жуктуруп алганын билбегендер көп болууда:

“Инфекцияны кайдан, кимден, кандай шартта жуктуруп алганын билбеген адамдар көп катталып жатышат. Алардын көпчүлүгү коомдук транспортто жүрүшкөн, эл көп чогулуучу жерлерге, базарларга барышкан. Беткап тагынбай, санитайзер колдонбогон адамдар көп болууда. Коомдук автоунааларда беткап тагынбай жүргөн жарандарыбыз көп”.

Үсөнбаев ооруга ишенбей, тоготпой мамиле кылуудан улам, ага чалдыккандар көп болуп жатканын кошумчалап, өзгөчө улгайып калган адамдарды сак болууга чакырды.

15-июнга карата Кыргызстанда коронавирус илдетине 87 адам чалдыкканы аныкталды. Жалпы ооруга чалдыккандардын саны 2372 адам болду. 27 бейтап илдетти жуктуруп алгандан кийин көз жумган. Жалпы 1813 адам оорудан сакайып чыкты.

15-июнга карата 531 адам ооруканада жатат. Алардын ичинен 27 адамдын абалы оор экени кабарланды. Төрт киши жандандыруу бөлүмүндө. Жалпысынан 100 адамдын абалы орточо оор деп бааланууда. (ZKo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG