Линктер

ЧУКУЛ КАБАР!
16-Июнь, 2021 шаршемби, Бишкек убактысы 05:17

Базар-Коргондо беш айыл карантинге алынды


Базар-Коргондо карантинге алынган айылдарды дезинфекциялоо учуру.

Райондун Кызыл-Үңкүр айыл аймагына караштуу Кичи Ак-Булак, Ак-Булак, Катар-Жаңгак, Көсө-Терек жана Алтын-Кыя айылдары карантинге алынды.

Базар-Коргон районунун акими Бакыт Козуев ушул өрөөндөгү эки тургундан коронавирус аныкталганын “Азаттыкка” билдирди.

“Кызыл-Үңкүрдүн тургуну Ош шаарына туугандарына барып келген соң илдет жугузуп алган. Андан соң үйүндөгү небересине да жугузган. 14-июндан баштап ал жашаган аймак толук карантинге алынды. Жакын байланышта болгон төрт үй-бүлө мүчөлөрү үй шартында обсервацияда жатат. Алардын алгачкы анализ жыйынтыктары таза чыкты“ деди Козуев.

Айылдын кире беришине карантиндик санитардык пост орнотулду.

Кызыл-Үңкүр - райондон эң алыс жайгашкан тоолуу аймактардын бири. Аймакта 5,5 миңдей адам жашайт.

15-июнда Кыргызстандын аймагында 87 адамга коронавирус жукканы такталды. Ушуну менен СOVID-19га чалдыккандар 2372 адамга жетти. (RsK\ErN)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG