Линктер

ЧУКУЛ КАБАР!
16-Июнь, 2021 шаршемби, Бишкек убактысы 03:31

Чек ара кызматы: Кыргыз-казак өткөрмө бекеттеринде тыгын жоюлду


Кыргыз-казак чек арасындагы "Ак-Тилек" өткөрмө бекети. Апрель, 2019-жыл.

Кыргызстандын Мамлекеттик Чек ара кызматы кыргыз-казак чек арасындагы өткөрмө бекеттердеги жагдай тууралуу билдирүү таратып, 17-июнга карата автоунаалардын узун кезеги жана тыгыны жоюлганын кабарлады.

Мекемеден билдиришкендей, эки өлкөнүн ортосундагы «Чалдыбар» жана «Кең-Булуң» бекеттеринин жанданышы «Ак-Тилек» бекетиндеги жүк ташуучу автоунаалардын тыгынын азайтууга салым кошту. Учурда Чүй облусундагы аталган үч өткөрмө бекеттен сырткары Таласта «Чоң-Капка» бекети да иштеп жатат.

Мунун ичинен «Ак-Тилек» менен «Чоң-Капка» бекеттери жарандарды да, жүк ташуучу автоунааларды да өткөрүүдө. «Чалдыбарда» жүк ташуучу автоунаалар гана киргизилип чыгарылса, «Чоң-Капка» алардын Кыргызстандан чыгып кетишин гана тейлейт. Темир жол жүктөрү «Кайыңды-темир жол» бекети аркылуу кирип, чыгат.

Бир айдай убакыттан бери кыргыз-казак чек арасынан автоунааларды өткөрүү жайлаган. Көзөмөл-өткөрмө жайлардын Кыргызстан тарабында 8 чакырымга чейин тыгын пайда болуп, кезекке турган жүк ташуучу автоунаалар 500дөн ашкан эле.

Буга байланыштуу эки өлкөнүн расмий органдары бири-бирин айыпташып, соңунда өкмөттөр аралык сүйлөшүүдөн кийин тилкеден өтүү жеңилдегени кабарланган. (ErN)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG