Линктер

ЧУКУЛ КАБАР!
21-Июнь, 2021 дүйшөмбү, Бишкек убактысы 01:23

Акыркы суткада 192 адамдан коронавирус табылды, бул эң жогорку көрсөткүч (видео)


Саламаттык сактоо министринин орун басары Нурболот Үсөнбаевдин 20-июнда берген маалыматы боюнча, коронавирус акыркы суткада дагы 192 адамдан жаңы аныкталды. Бул пандемия башталгандан берки Кыргызстанда бир суткада оору аныкталган эң жогорку көрсөткүч болуп калды. Вируска чалдыккандардын басымдуу бөлүгү борбор калаада:

Бишкек шаарында – 94

Ош шаарында - 16

Ош облусунда - 14

Талас облусунда - 2

Нарын облусунда - 2

Чүй облусунда – 62

Ушуну менен жалпы коронавирус жуктургандардын саны 2981 адамга жетти.

Вирус жуктуруп алган үч адам каза тапты. Алардын экөө 59 жаштагы аял менен 61 жаштагы эркек Ош облусунан, 62 жаштагы эркек киши Ысык-Көл облусунан. Ушуну менен илдет жуктуруп алгандан кийин көз жумгандардын саны 35 адамга жетти.

Бир сутка ичинде ооруканадан 20 бейтап сакайып чыгып кетти. Анын ичинен: Бишкек шаарынан –3, Чүй облусунда – 11, Ош шаарында – 1, Нарын облусунда - 5 бейтап айыгып, 20-июнда үйлөрүнө чыгарылды. Жалпы айыккандардын саны 1981 адам.

Стационарда 498 бейтап дарыланууда, беш киши жандандыруу бөлүмүндө жатат. (ZKo)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG