Коронавирустан улам 2020-2021-окуу жылы кандай шартта башталары азырынча так эмес. Чечим кырдаалга жараша кабыл алынарын, алдын ала божомол жоктугун саламаттык сактоо министри Сабиржан Абдикаримов 22-июндагы брифингде айтты.
Кыргызстанда мектептер, окуу жайлар март айынын ортосунда жабылып, апрелден баштап окутуу онлайн жүргүзүлгөн. Сынактар да онлайн ыкмада тапшырылып, окуу жылы аяктады.
Кыргызстанда коронавируска кабылгандар алгач 18-мартта аныкталган. Андан бери илдетти жуктуруп алгандардын саны 3356га жетип, 40 киши көз жумду, 2021и сакайды. (SE)