Түштүк Кореядан, Жапониядан жана Филппинден кыргызстандыктар Бишкекке кайтышты. Тышкы иштер министрлиги 23-июнда кабарлагандай, жалпысынан 19 киши келди.
"Жарандарыбыз Токио, Манила шаарларынан Сеулга кадимки каттамдар аркылуу, андан ары Алматыга чартердик каттам менен "Air Astana" авиакомпаниясынын учагы менен келишти. Бишкекке атайын автоунаада жеткирилди",- деп кабарлады министрлик.
Алардын баары медициналык кароодон өтүүдө.
COVID-19 пандемиясынан улам март айында Кыргызстан эл аралык жана ички авиакаттамдарды токтоткон. Июндун башынан тартып күнүнө үч маал Бишкек-Ош-Бишкек багытында учак уча баштады.
Чет элдеги кыргызстандыктар күн алыс өкмөт уюштурган чартердик каттамдар аркылуу мекенине келип жатышат. (SE)
