Линктер

ЧУКУЛ КАБАР!
15-Июнь, 2021 шейшемби, Бишкек убактысы 13:44

Каратаев: Ак үйдү карантинге жабуу маселесин комиссия чечет


Президенттин кеңсеси жана парламент жайгашкан имаратты карантинге жабуу маселесин комиссия чечет. Бул тууралуу 25-июнда саламаттык сактоо министринин орун басары Мадамин Каратаев билдирди.

Онлайн брифинг учурунда журналисттердин суроолоруна жооп берип жатып ал:

“Бүгүнкү күндө жалаң гана Ак үйдө эмес, башка мекемелерде да илдет тастыкталган учурлар катталып жатат. Ошондуктан санитардык нормаларды туура сактап, мамлекеттик кызматкерлер аралыктан иштөөгө өтүүдө. Ак үйдү карантинге жабуу тууралуу чечимди пленардык отурумда комиссия карайт”.

24-июнда президенттик аппаратта иштеген эки адамдан коронавирус табылганы алар Москвага мамлекет башчысы Сооронбай Жээнбековду коштоп барганда аныкталды. Ага чейин Жогорку Кеңештин эки депутатынан жана төрт кызматкеринен вирус табылган.

Жалпысынан 18-марттан 25-июнга чейин өлкөдө коронавирус 3954 адамдан табылды, алардын ичинен 43 бейтап кайтыш болду, 2112 бейтап айыгып кетти. (RK)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG