Линктер

ЧУКУЛ КАБАР!
6-июль, 2020 дүйшөмбү, Бишкек убактысы 08:11

Өкмөт: Өзгөчө абалда иштеген күч кызматкерлерине кошумча акы төлөнөт


Өзгөчө абал учурунда Ошто иштеп жаткан милиция кызматкери. Апрель, 2020-жыл.

Коронавирус пандемиясына байланыштуу өзгөчө абал учурунда иштеген аскер кызматкерлерине жана укук коргоо органдарынын кызматкерлерине кенемте төлөнүп берилет. Бул тууралуу чечимге премьер-министр Кубатбек Боронов кол койгонун өкмөттүк аппарат 25-июнда маалымдады.

Чечим өкмөттүн 2000-жылдын 26-октябрдагы өзгөчө абалдын шарттарында иштеген аскер кызматчыларына кошумча кепилдиктер жана компенсация төлөп берүү тууралуу токтомунун негизинде кабыл алынды.

Өзгөчө абал учурунда иштеген күч кызматкерлеринин айлык-акысына кошумча акы катары бюджеттен 446 миллион сом төлөнөрүн финансы министри Бактыгүл Жээнбаева 16-июнда Жогорку Кеңеште билдирген.

Коронавирус пандемиясына байланыштуу өзгөчө кырдаалдын жана өзгөчө абалдын шарттарында иштеген аскер жана милиция кызматкерлеринин так саны тууралуу маалымат таратыла элек. (ZKo)

Пикирлерди көрүңүз

XS
SM
MD
LG