Линктер

ЧУКУЛ КАБАР!
20-Январь, 2021 шаршемби, Бишкек убактысы 09:35

Песков: Путин менен Жээнбековдун жолугушуусу пландалган эмес


Дмитрий Песков. Москва, 14-апрель, 2020-жыл

Кыргызстандын президенти Сооронбай Жээнбеков менен Орусия президенти Владимир Путиндин 30-июнда Ржев шаарында жолугушуусу пландалган эмес. Бул тууралуу орус президентинин басма сөз катчысы Дмитрий Песковго таянуу менен “РИА Новости” агенттиги жазды.

Журналисттин “иш-чарага кыргыз президенти конок катары чакырылган, Орусия мамлекет башчысынын катышуусунда эстелик ачуу аземинин убактысы жылышы мүмкүнбү” деген суроосуна Песков мындай жооп берген.

“Мындай пландар болгон эмес. Чынында, 30-июнда Ржев районунда "Совет жоокери" мемориалынын ачылышы болот. Президент бул иш-чарага катышууну пландап жатат”, - деди Песков.

23-июнда президент Жээнбеков баштаган расмий делегация Орусиянын борбору Москвага Экинчи дүйнөлүк согуштагы Жеңиштин 75 жылдыгына карата майрамдык парадга катышуу үчүн барган. Бирок делегация курамындагы эки адамдан коронавирус табылып, мамлекет башчысы майрамдык иш-чараларга катышпай калган.

Кыргызстандын президентинин басма сөз кызматы тараткан маалыматка ылайык, Сооронбай Жээнбековдун Орусияга кийинки иш сапары Жеңиштин 75 жылдыгына карата Москва тараптын чакыруусу менен 30-июнга белгиленген.

“30-июнда Ржев шаарында 1941-1945-жылдарда согушта каза болгон кыргызстандык аскерлердин эстелигинин расмий ачылышы пландаштырылган”, - деп жазылган президенттин басма сөз кызматы тараткан маалыматта.

“РИА Новости” агенттиги Песков кыргыз делегация курамынан коронавирус аныкталгандыктан, Жээнбековдун парадга катышуудан баш тарткан чечими үчүн ыраазычылык билдиргенин жазды. (TSh)

Пикирлерди көрүңүз (14)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG