Линктер

ЧУКУЛ КАБАР!
20-Июнь, 2021 жекшемби, Бишкек убактысы 13:35

Москва Лукашенконун айыптоосун четке какты


Александр Лукашенко

Орусиянын президентинин басма сөз катчысы Дмитрий Песков Александр Лукашенконун "Кремль шайлоого кийлигишүүдө" деген билдирүүсүн четке какты.

Песков мындай айыпты койгон тарап кандайдыр бир аргументти келтириши керектигин, бирок андай далил жок экенин билдирди.

Бейшембиде беларус президенти Лукашенко өлкөнүн ички ишине жана шайлоого Орусия менен Польша тараптан кийлигишүү болуп жатканын билдирген.

“Азыркы беларус бийлигинин оппоненттери таза шайлоону өткөрүүнү талап кылат, бирок өздөрү таза эмес”, - деген Лукашенко. Ал оппозициячыл талапкерлер кимдир бирөөлөрдүн “куурчагы” экенин кошумчалаган.

Беларустун башчысы “Телеграмда” Орусия түзүмдөрү тараптан "үрөй учурган фейк кабарлар" тарап жатканына даттанган.

Лукашенко жакын арада шайлоого кийгилишүү маселесин Владимир Путин менен талкуулоону пландап жатат.

Беларуста президенттик шайлоо 9-августка белгиленген. Өлкөнү 1994-жылдан бери башкарып келе жаткан Александр Лукашенко алтынчы мөөнөткө ат салышууда.

18-июнда анын негизги атаандашы, “Белгазпромбанктын” мурдагы башчысы Виктор Бабарико камакка алынган. Лукашенко “Беларустагы Майданга бөгөт койгонун” билдирген. Бул эл арасында нааразылык жаратып, митингдер өткөн. Анда оппозициянын 500дөн ашуун тарапташы жана акцияны чагылдырган журналисттер кармалган.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG