Линктер

ЧУКУЛ КАБАР!
20-Июнь, 2021 жекшемби, Бишкек убактысы 00:19

Премьер-министр дарыгерлерди кесиптик майрамы менен куттуктады


Кубатбек Боронов

Премьер-министр Кубатбек Боронов медицина кызматкерлеринин күнү менен куттуктап, билдирүү таратты. Анда өкмөт башчы пандемия шартында иштеп жаткан дарыгерлерге ыраазычылыгын билдирип, учурда дарыгерлердин мааниси өзгөчө экенин белгилеген.

“Коронавирустук инфекциянын жайылышына жол бербөө боюнча жүргүзүлүп жаткан чаралар саламаттык сактоо тутумунун мекемелеринин эскирген материалдык-техникалык базасына, кадрлардын жетишсиздигине жана жетишсиз каржыланышына байланыштуу топтолгон көйгөйлөрүн ачыкка чыгарды. Бирок ага карабастан, сиздер коронавирустук инфекциядан жабыркаган жарандарыбызга тийиштүү медициналык көмөк көрсөтүүнү улантып жатасыздар”,-деп айтты премьер.

Кыргызстанда июль айынын биринчи жекшембисинде Медицина кызматкерлеринин кесиптик күнү белгиленип келет. Быйыл дүйнөдө тараган коронавирус пандемиясынан улам дарыгерлер өзгөчө шартта иштеп жатат.

Март айынан бери өлкө боюнча 1097 медицина кызматкери вирусту жугузуп алып, сегиз дарыгер каза тапты. (BkA)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG