Иранда коронавирус пандемиясы башталгандан бери бир күндө өлгөн адамдардын эң чоң көрсөткүчү катталды. 5-июлдагы маалыматка караганда, акыркы бир суткада 162 адам көз жумган. Буга чейин Иранда 29-июнь күнү 162 адам каза тапканы эң жогорку деп маалымдалган.
Өлкөнүн Саламаттыкты сактоо министрлиги акыркы бир суткада илдетти жуктуруп алган 2560 учур аныкталганын билдирди.
Иранда COVID-19 менен ооругандардын саны жалпы 240 438ге жетти, анын ичинен11 571 адам көз жумган.
Иран коронавирус пандемиясына байланыштуу апрелде киргизилген чектөөлөрдү жумшарткандан бери илдетке кабылгандар көбөйүүдө. 4-июлда президент Хасан Роухани беткап тагынбагандарга мамлекеттик кызмат көрсөтүлбөй турганын эскертти.
