Линктер

ЧУКУЛ КАБАР!
22-Июнь, 2021 шейшемби, Бишкек убактысы 22:22

Коронавирустан төрт, пневмониядан 18 бейтап каза болду


Иллюстрациялык сүрөт.

Кыргызстанда соңку бир сутка ичинде коронавирус жуккан бейтаптардын төртөө кайтыш болду. Бул тууралуу 6-июлда саламаттык сактоо министринин орун басары Мадамин Каратаев билдирди:

«Бишкекте Республикалык клиникалык инфекциялык ооруканада 73 жаштагы бир эркек, Ош шаардык клиникалык ооруканасында 53 жаштагы бир эркек байтап, Токмок аймактык ооруканасында 86 жаштагы бир эркек бейтап жана Ысык-Ата аймактык ооруканасында 41 жаштагы бир эркек бейтап көз жумду».

Ошондой эле бир күндө пневмониядан 18 адам көз жумду. Алардын ичинен сегизи республика боюнча, ону Бишкек шаарында каза болду.

6-июлга карата республика боюнча СOVID-19 инфекциясын жугузуп алган 314 адам жаңы катталды.

Алардын эң көбү Бишкек шаарында - 161 адам. Ош шаарында 41, Ош облусунда 26, Чүй облусунда 25, Ысык-Көл облусунда 21, Жалал-Абад жана Нарын облустарында 15тен жана Баткен облусунда он адам.

Илдеттен дарыланып жаткан 41 бейтап айыгып, акыркы сутка ичинде үйүнө чыкты.

Жалпысынан 18-марттан 6-июлга чейин өлкөдө коронавирус 7691 адамдан табылды, алардын ичинен 92 бейтап кайтыш болду, 2843 бейтап айыгып кетти. (RK)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG