Линктер

ЧУКУЛ КАБАР!
16-Июнь, 2021 шаршемби, Бишкек убактысы 13:36

Шайлоочулардын тизмеси он күндөн кийин жарыяланат


Кыргызстандагы шайлоо. Иллюстрациялык сүрөт.

Мамлекеттик www.tizme.gov.kg сайтында шайлоочулардын баштапкы тизмеси добуш берүүгө 80 күн калганда, тагыраак айтканда 16-июлда жарыяланат. Ал эми шайлоого 70 күн калганда аймактык шайлоо комиссияларында илинет. Шайлоочулар тизмеден өздөрүн тактап, жок болсо аймактык шайлоо комиссиясына кайрылууга тийиш. Бул маалыматты Борбордук шайлоо комиссиясы (БШК) бүгүн, 6-июлда таратты. Ага ылайык, 26-июлдан 20-сентябрга чейинки убакта ар бир шайлоочу өзүн тизмеден тактап, добуш берүүчү ордун алмаштырууга да укуктуу.

Жашы 18ге толгон, биометрикалык каттоодон өткөн кыргызстандык жарандар 4-октябрдагы Жогорку Кеңештин депутаттарын шайлоого катыша алышат.

«Биометрикалык каттоодон өтө элек жарандар шайлоого чейин элди тейлөө пункттарынан же добуш берүү күнү – атайын уюштурулган түйүндөрдө каттоодон өтө алышат. Биометрикалык каттоо шайлоонун бурмаланышынын алдын алыш үчүн маанилүү» деп жазылган БШКнын маалыматында.

Мамлекет башчы Сооронбай Жээнбековдун 2-июлдагы буйругуна ылайык, Жогорку Кеңештин депутаттарын шайлоо 4-октябрга дайындалган. (ZKo)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG