Линктер

ЧУКУЛ КАБАР!
21-Июнь, 2021 дүйшөмбү, Бишкек убактысы 13:40

Пахман: Коронавирустан каза болгондорду көмүү алгоритми бузулуп жатат


COVID-19 вирусунан каза болгон адам. Ооганстан. Июнь, 2020-жыл. Иллюстрациялык сүрөт.

Саламаттык сактоо министрлигинин COVID-19дан каза болгондорду жерге берүү боюнча буйругуна ылайык каза болгон адамды атайын автоунаа же катафалк менен алып барып, кепиндин сыртынан хлорго чыланган кездеме жана клеёнка менен ороп, диний ишмердин, эң жакын туугандарынын жана эпидемиолог дарыгердин көзөмөлүндө жерге бериш керек.

Бирок акыркы учурда вирус тастыкталбай, пневмониядан кайтыш болгондорду жакындары өздөрү эле көмө баштады. Республикалык паталогоанатомдук анализ бюросунун жетекчиси Валентина Пахман айрыкча айыл жергесинде тажия кадимкидей эле көп сандагы адамдардын катышуусу менен болуп жатканына кабатыр экенин айтты:

«Бул жерде кооптуу кишилер – маркумдун жакындары. Алар оорулуу менен байланышта болгон, вирусту алып жүрүүчү болушу мүмкүн. Биз моргдо сөөктү жууп, хлорамин менен тазалап, ороп берип жатабыз. Аны үйдөн экинчи ирет ачып, жууп кереги жок. Эң эле коркунучтуу учур – адамдардын маркум менен коштошобуз деп чогулганы. Андыктан сөөк эмес, анын жакындары кооптуу».

8-июлга карата Кыргызстандын ооруканаларында соңку бир сутка ичинде коронавирустан 13, пневмониядан 44 бейтап каза болду.

Жалпысынан 18-марттан 8-июлга чейин өлкөдө коронавирус 8486 адамдан табылды, алардын ичинен 112 бейтап кайтыш болду, 2983 бейтап айыгып кетти.

Пневмониядан март айынан бери каза болгондор 268 кишиге жетти.

Кыргыз бийлиги коронавирустун жана пневмониянын расмий статистикасын бириктирүүнү пландап жатканын 8-июлда Саламаттык сактоо министрлиги маалымдады. (BCh/ZKo)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

Сунуш кылынган арга.

XS
SM
MD
LG