Линктер

ЧУКУЛ КАБАР!
30-ноябрь, 2020 дүйшөмбү, Бишкек убактысы 08:31

COVID-19: Болсонаруга илдет жукту, АКШда ооругандар көбөйдү


Жаир Болсонару коронавирусту кадимки сасык тумоого теңеп, оору коркунучун кенебей жатканы үчүн сынга кабылган.

Соңку бир суткада АКШда дагы 60 209 кишиден коронавирус табылды. Бул эпидемия башталгандан берки эң жогорку көрсөткүч болуп калды. Өлкөдө акыркы бир күн ичинде 1114 адам COVID-19 илдетинен көз жумду. Кошмо Штаттарда вирус жуккан адамдардын жалпы саны 3 миллионго чукулдаса, илдеттен каза тапкандардын саны 130 миң адамдан ашты.

7-июлда Калифорния менен Техас штаттарында 10 миңден ашуун адамдын аназилинен коронавирус чыкты. Бул эки штат үчүн бир күн ичиндеги эң жогорку көрсөткүч.

Дүйнө жүзүндө коронавирус жугузуп алгандардын саны 11 миллион 840 миңден ашты. Былтыр декабрь айында Кытайдан башталган бул илдеттен баш-аягы 545 миңдей адам кайтыш болду.

Вирустун жайылышы боюнча дүйнөдө экинчи орунда турган Бразилияда бир миллион 670 миңдей адам вирусту жугузуп алса, алардын 67 миңдейи кайтыш болду. COVID-19 илдетин сасык тумоого салыштырып жүргөн Бразилиянын президенти Жаир Болсонару коронавирус жугузуп алганы ырасталды.

Коронавирус пандемиясынын алдын ала албаганы үчүн Дүйнөлүк саламаттык сактоо уюмун айыптап келе жаткан АКШ бир жылдан кийин бул уюмдагы мүчөлүгүн токтоторун 6-июлда расмий түрдө Бириккен Улуттар Уюмуна билдирди. Кошмо Штаттар дүйнөнүн 190дөн ашуун өлкөсү мүчө болгон бул уюмду каржылаган мамлекеттердин башкы сабында турат. Уюмдун жылдык бюджетинин 15% АКШдан келет.

XS
SM
MD
LG