Линктер

ЧУКУЛ КАБАР!
13-август, 2020 бейшемби, Бишкек убактысы 12:08

Бишкек: Күндүзгү стационарларда алты күн ичинде жети киши кайтыш болду


Күндүзгү стационардын алдында медициналык жардам алыш үчүн кезек күткөндөр. 6-июль, 2020-жыл. Бишкек.

Коронавирус пандемиясына байланыштуу Бишкекте ачылган күндүзгү стационарлар алты күн аралыгында 8086 кишини кабыл алды. Бишкек шаардык мэриясы билдиргендей, ачылгандан тартып стационарларда жети киши каза болду.

9-июлда күндүзгү стационарларга кайрылгандардын алгачкы тобу айыгып чыкты. Алардын так саны айтылган жок.

Жалпысынан 6673 киши стационарларда дарыланып, 1349 адам кеңеш алган. 57 бейтап ооруканаларга жаткырылган.

Кыргызстанда өпкөнү сезгенткен COVID-19 вирусуна жана пневмонияга чалдыккандар акыркы убакта көп катталып жатат. Ооруканаларда орун жетпегендиктен, башка жактарда да убактылуу медициналык жайлар обсервация катары түзүлгөн. Абалы анча оор эмес, бирок дарыгерлердин жардамына муктаж бейтаптар үчүн 4-июлдан тарта күндүзгү стационарлар да ачыла баштаган. Азыр Бишкекте эле 9 күндүзгү стационар иштеп жатат.

9-июлга карата расмий маалымат боюнча, коронавирус жалпысынан 8847 адамдан табылды, алардын ичинен 116сы кайтыш болду, 3053 бейтап айыкты.

Пневмония менен март айынан бери 3829 адам ооруканага жаткырылды, алардын ичинен каза болгондордун саны 310 адамга жетти.

XS
SM
MD
LG