Линктер

ЧУКУЛ КАБАР!
2-декабрь, 2020 шаршемби, Бишкек убактысы 21:59

Таанымал диниятчы Чубак ажы Жалилов дүйнөдөн кайтты


Чубак ажы Жалилов

Белгилүү диниятчы, мурдагы муфтий Чубак ажы Жалилов 45 жашында 11-июлга оогон түнү илдеттен каза болду. Чубак ажы Жалилов Бишкектеги улуттук госпиталга жеткирилгенден бир сааттан кийин көз жумган. Бул тууралуу бейтапты кабыл алган дарыгерлер “Азаттыкка” билдиришти.

Жакындарынын маалыматына караганда бейтап ага чейин өпкөсүнөн кагынып үйүндө дарыланып жаткан.

Чубак ажы Жалилов 1975-жылы 21-январда Базар-Коргон районунун Мундуз айылында мугалимдин үй-бүлөсүндө туулган. 1996-жылы Кыргызстандагы Ислам университетин бүтүргөн. Жусуп Баласагын атындагы Кыргыз улуттук университетинде араб тилинен сабак берген. 2000-2006-жылдары Сауд Арабиядагы Эл аралык "Умм ал-Кур" университетинде жогорку билим алган.

2005--2007-жылдары ал Борбордук Азия жана Дүйнөлүк мусулмандар лигасынын адиси болгон. Ислам университетинде сабак берген.

2010--2012-жылдары Кыргызстан мусулмандар дин башкармалыгын жетектеген. Өткөн айда дин башкармалыгынын алдындагы аалымдар кеңешинен мүчөлүктөн чыгуу тууралуу арыз жазган. Муну айрым талдоочулар алдыдагы парламенттик шайлоого талапкер катары баруу ыктымалдыгы менен байланыштырышкан.

Жакындарынын маалыматына караганда, Чубак ажы Жалиловдун сөөгү бүгүн, 11-июлда коопсуздук эрежелерин сактоо менен туулган жерине коюлат.

Пикирлерди көрүңүз (16)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG