Линктер

ЧУКУЛ КАБАР!
14-Июнь, 2021 дүйшөмбү, Бишкек убактысы 07:52

Штаб: Гепарин 443 сомдон бир адамга бирден гана сатылат


Иллюстрациялык сүрөт.

Республикалык штаб "Неман-Фарм" ишканасы COVID-19 вирусунун симптомдорун дарылоо үчүн гепарин дарысынын партиясын алып келгенин маалымдады.

Дары адегенде 12-июлга оогон түнү "Неман" дарыканасынын Бишкектеги кампасына түшкөн. Учурда бул дары "Немандын" башка филиалдарына жеткирилди. Алып-сатууларды алдын алуу үчүн дары 443 сомдон бир адамга бирден эле сатылууда.

Штаб дары-дармектердин баасын ашырып саткан учурларды Экономикалык кылмышка каршы күрөшүү кызматына (Финполиция) кабарлоого чакырат.

Буга чейин Финполиция дары-дармектерди дүңүнөн сатып алып, кайра кымбат баада сатып жаткандарга чара көрүп жатканын эскерткен.

Коронавирус күчөп турган кезде Кыргызстанда дары-дармектин баасы көтөрүлүп, айрымдары табылбай жатат. Көпчүлүк адамдар канды суюлтуучу антикоагулянттарга, антибиотиктерге жана вируска каршы дарыларга муктаж болууда. Маселен, 12-июль түнү Бишкек шаарындагы "Неман" дарыканасында узун кезек пайда болду. (TSh)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG