Линктер

ЧУКУЛ КАБАР!
24-ноябрь, 2020 шейшемби, Бишкек убактысы 00:43

Жээнбеков: Оорунун очогунда иштеп жаткан дарыгерлер өзгөчө камкордукка алынат


Сооронбай Жээнбеков түнкү стационарда.

Президент Сооронбай Жээнбеков өкмөт илдеттин очогунда иштеген дарыгерлердин айлыгын көбөйтүп жатканын, аларды өзгөчө камкордукка аларын айтты. Бул тууралуу мамлекет башчысы 14-июлда Бишкекте чукул жардамга муктаждар үчүн ачылган түнкү стационарга барып, медицина кызматкерлери менен жолукканда билдирди.

Жээнбеков мамлекет медиктерге ар дайым кам көрөрүн жана мындан ары да аларды колдоого аларын, жумушта жүрүп ооруп калгандарын Ысык-Көлдөгү дарылоочу жайларда реабилитациялоо маселеси каралып жатканын айтты. Дарыгерлерге жардам берген ыктыярчылардын мээнетин белгилеп, алардын эмгеги баа жеткис экенин кошумчалады.

Дары-дармек тартыштыгын жаратпоо маселеси өзгөчө көзөмөлдө турганын айтты.

Бишкек мэриясынын маалыматына караганда, азыркы тапта шаарда тогуз күндүзгү жана эки түнкү стационар ачылып иштеп жатат.

Кыргызстандын медициналык мекемелерине практикалык жардам көрсөтүү үчүн Орусиядан 80ден ашуун ыктыярчы медик мекендеш келген. Жакынкы мезгилде Новосибирск менен Түркиядан да дарыгерлер тобу келгени жатат.

Коронавирус пандемиясы башталгандан бери өлкөдө бул илдет 1875 медицина кызматкерине жукту, алардын 570и айыгып чыкты, бешөө каза тапты.

Июль айында өлкөдө пневмониядан каза болгондор көп катталып жатат.

Өкмөт коронавирустан каза болгондорго жана бул илдетти жугузуп алгандарга компенсация төлөнөрүн убада кылган. Азырынча канчасына акча төлөнүп берилгени расмий айтыла элек.

Өкмөт дарыгерлердин шайы кеткенин, көбү ооруп жатканын айтып, ыктыярчыларды жардамга чакырууда. (RK)

Пикирлерди көрүңүз (8)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG