Линктер

ЧУКУЛ КАБАР!
3-Декабрь, 2021 жума, Бишкек убактысы 02:10

COVID-19: АКШда чыгарылган вакцина үмүт жандырды


Иллюстрациялык сүрөт.

Кошмо Штаттарда сыноодон өткөрүлгөн алгачкы вакцина адамдын иммундук системасын бекемдеп, окумуштуулар күткөндөй жыйынтык көрсөттү.

Бул тууралуу вакцинаны чыгарган "Moderna" компаниясы 14-июлда жарыялады. Аны мартта сыноо катары 45 адамга сайышкан. Алардын канында инфекцияны тосмолоп сала турган жөндөмгө ээ антителалар пайда болгон.

Толук жыйынтыктар "New England Journal of Medicine" басылмасына жарыяланды.

«Кандай болсо да, бул жакшы жаңылык» деп билдирди АКШнын Аллергия жана инфекциялык оорулар боюнча улуттук институтунун башчысы Энтони Фаучи. АКШ бийлиги коронавируска каршы вакцина жыл соңуна чейин же кийинки жылдын башында чыгып калат деп үмүттөнөт.

27-июлдан тарта сыноонун негизги баскычы башталат. Бул жолу вакцинанын күчүн текшерүү үчүн 30 миңдей адам эмдөөдөн өткөрүлөт. Учурда окумуштуулар бул сыноого катышууну каалаган ыктыярчылардын тизмесин топтоп жатат.

Ушу тапта дүйнөдө COVID-19га каршы 20дай вакцина сыноодон өтүп жатат.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG