Өзгөчө кырдаалдар министрлигинин Тогуз-Торо райондук бөлүмүнө кытайлык «China Road» компаниясынын 41 жаштагы жумушчусу жоголуп кеткени тууралуу маалымат 10-июлда түштү. Анда жол курулушунда иштеп жаткан кытайлык жаран 6-июлдан бери дайынсыз болуп жатканы айтылган. Бул тууралуу министрликтин басма сөз кызматы билдирди.
Маалыматка караганда, учурда кытайлык жаранды издөө иштери улантылып жатат.
Кытайлык «China Road» компаниясы Кыргызстандын түндүк-түштүгүн бириктирген жолду куруп жатат.
Автожолду 2023-жылы пайдаланууга берүү пландалып жатканы кабарланган. Дээрлик 500 млн. долларга бааланган түндүк-түштүк альтернатив жолунун жалпы узундугу 433 чакырымды түзөт. (TSh)
