Линктер

ЧУКУЛ КАБАР!
15-Июнь, 2021 шейшемби, Бишкек убактысы 09:38

COVID-19: Тажикстан Кыргызстан менен чектеш жерлерге аң каза баштады


Былтыр эки өлкөнүн президенттери Сооронбай Жээнбеков менен Эмомали Рахмон жогорку деңгээлде сүйлөшүү жүргүзүшкөн.

Тажик бийлиги коронавирустун сырттан келишинин алдын алып Кыргызстан менен чек араларына аң казып жатат. Бул тууралуу "Азия-Плюс" маалымат агенттиги Согди облусунун Гафур районунун башчысы Зариф Назарга шилтеме кылып жазды.

Ага ылайык, аталган райондун Кыргызстандын Лейлек району менен чектешкен 17 жеринде аң казылды. Ошондой эле чек ара өткөрмө бекеттеринде, чек аралаш аймактарда көзөмөл күчөтүлдү, видеокамералар коюлду.

"Биз эки тарапка каттаган бардык жолдорду буудук. Чек ара толугу менен жабык, коңшу тараптан мыйзамсыз өтүп келген учурлар эми болбойт", - деп билдирди Зариф Назар "Азия-Плюс" агенттигине.

Кыргыз-тажик чек арасында суу, жол, жерден улам эки тарап жаңжалдашкан окуялар, адам өлүмү менен аяктаган ок атышуулар маал-маалы менен катталат. Эки мамлекеттин жалпы чек арасынын узундугу 970 чакырымды түзөт. Анын 519у такталган, калгандары талаштуу жер тилкелер болуп саналат.

Былтыр эки өлкөнүн президенттери Сооронбай Жээнбеков менен Эмомали Рахмон Тажикстанда жана Кыргызстанда, анын ичинде чек ара чыры көп катталган Ак-Сай - Ворух аймагында жолугуп, жогорку деңгээлде сүйлөшүү жүргүзүшкөн. Бирок андан бери чек ара маселеси чечүү илгерилей элек.

Пикирлерди көрүңүз (18)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG