Линктер

ЧУКУЛ КАБАР!
23-Январь, 2021 ишемби, Бишкек убактысы 17:03

Өзбекстанда жарым жыл ичинде 459 аткаминерге кылмыш иши козголду


Иллюстрациялык сүрөт.

Өзбекстандын Башкы прокуратурасы 16-июлда тараткан маалыматка ылайык, 327 иш боюнча 459 мамлекеттик кызматкерге кылмыш иши козголгон. Алардын ичинен төртөө республикалык деңгээлдеги аткаминер, 13ү облустук, 442си шаардык жана райондук деңгээлдеги кызматкер.

Алар мамлекеттин мүлкүнө кол салуу, пара талап кылуу, пара алуу, кызмат абалынан кыянаттык менен пайдалануу, шалаакылык жана башка кылмыштар үчүн айыпталышууда.

Көзөмөл органы маалымдагандай, булардын кылмышы менен 2020-жылдын биринчи жарым жылында мамлекет 172 млрд. 260 млн. сумга (16,8 млн. доллар) зыян тарткан. Анын ичинен 114 млрд. 267 млн. сум (11,1 млн. доллар) мамлекеттин казынасына кайтарылган.

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG