Линктер

ЧУКУЛ КАБАР!
1-декабрь, 2020 шейшемби, Бишкек убактысы 15:09

Министрлик: Жаңы сатып алган "тез жардам" автоунаалардын бири бузулуп калды


Жаңы сатып алынган "Тез жардам" автоунаалары. 15-июль, 2020-жыл.

Саламаттык сактоо министрлиги Боом капчыгайында бузулуп калган автоунаа “Тез жардам” кызматына сатып алган жаңы машинелердин бири экенин тастыктады. Бул тууралуу мекеменин басма сөз кызматы билдирди.

Маалыматка ылайык, жаңы алынган автоунаалардын бири Ысык-Көл облусундагы ооруканага бөлүнгөн. 16-июль күнү 4WD “Соболь” (Газель) үлгүсүндөгү машине облуска бараткан жолдо Боом капчыгайында бузулуп калган. Учурда ал автоунаа Чолпон-Ата шаарында турат. Саламаттык сактоо министрлиги аталган автоунаанын кепилдиги бар экенин белгилеп, компаниянын механик адистери баратканын билдирди.

Интернетте “Тез жардам” автоунаасынын жолдо бузулуп турганы тартылган видео тарап, кызуу талкууланып жатат.

Буга чейин Саламаттык сактоо министрлиги жаңы алынган "Тез жардам" автоунааларынын сапаты баасына туура келе турганын билдирген. 13 машиненин үчөө 90 миң долллардан, ал эми ону 49 миң доллардан алынган. Дүйнөлүк банктын долбоорунун алкагында алынган 13 автоунаанын үчөөнүн ичинде жасалма дем алдыруучу аппарат бар жана алардын жалпы баасы 764 900 доллар болгон.

Социалдык тармактарда “Форд Транзит” жана “Соболь” (Газель) автоунааларынын Интернеттеги баасы арзан экени, бийлик машинелерди кымбат сатып алганы тууралуу пикирлер тарап жатат. (TSh)

Пикирлерди көрүңүз (12)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG