Линктер

ЧУКУЛ КАБАР!
29-октябрь, 2020 бейшемби, Бишкек убактысы 08:02

Кино оператор Мурат Алиев пневмониядан кайтыш болду


Маркум Мурат Алиев.

Кыргыз Республикасына Эмгек сиңирген маданият ишмери, советтик жана кыргызстандык кино оператор Мурат Алиев 17-июлда оорудан 72 жашында дүйнөдөн кайтты. Кесиптештери "Азаттыкка" Алиев пневмониядан каза тапканын билдиришти.

Мурат Алиев жаш муундагы операторлорду тарбиялап келген. 1997-2002 жылдары Бүбүсара Бейшеналиева атындагы Кыргыз мамлекеттик искусство институтунда окутуучу болуп иштеген. "Asian World Film Festival"(АКШ) үчүнчү фестивалында Мурат Алиевге “Дүйнөлүк кинематографка кошкон салым үчүн” аттуу сыйлык ыйгарылган.

Ал 1948-жылы 10-декабрда Нарын облусунда жарык дүйнөгө келген. 1979 жылы Бүткүл союздук Мамлекеттик Кино институтунун кино операторлук факультетин бүтүргөн.

Алиев отуздан ашык хроникалык-документалдуу тасмалардын оператору. Ал «Биринчи», «Фудзиямадагы кадыр түн», «Улуу жибек жолу», «Булут», «Петрарканы окуу», «Курманжан Датка» тасмаларында башкы оператор болгон. 2014-жылы Уфа шаарында өткөн фестивалда «операторлук чеберчилик» сыйлыгына ээ болгон. Казакстандык тасмаларды да тартып, «Келин» аттуу тасмасы үчүн 2010-жылы Нью-Йоркто өткөн эл аралык кинофестивалда (New York Eurasian Film Festival) «мыкты оператор» сыйлыгын алган. 2012-жылы «Чал» аттуу көркөм тасмада башкы оператор болуп эмгектенген.

Бул фильмден улам Мурат Алиев Кыргызстандан биринчи болуп Азия-Тынч океан киноакадемиясына мүчө болуп кирген.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG