Бишкекте көп кабат үйдүн курулушунда өрт чыкты. Өзгөчө кырдаалдар министрлиги кабарлагандай, курулуш объектиси Ленин районунун аймагында, Ак-Өргө жаңы конушунда жайгашкан:
"Жаңы курулуп жаткан кабат үйдүн чатырынан өрт чыккандыгы тууралуу маалымат саат 13:53тө келип түшкөн. Өрттү өчүрүүгө жалпы үч бөлүм тартылган".
Саат 15:00гө карата өрт өчүрүлгөнү тууралуу маалымат боло элек.
Өзгөчө кырдаалдар министрлиги кабарлагандай, өрт саат 15:43тө чектөөгө алынды. Учурда өрттү толук өчүрүүгө болгон аракет жасалып жатат.
Адамдар арасында жабыркагандар бар-жогу айтыла элек.
Социалдык түйүндөрдө тараган видеодо көрүнүп тургандай, жогорку кабаттагы аянтчада устундар өрттөнүп жатат. (RK)
