Линктер

ЧУКУЛ КАБАР!
3-декабрь, 2020 бейшемби, Бишкек убактысы 22:03

COVID-19: Сыноодо үч вакцина натыйжалуу жана коопсуз экенин көрсөттү


Иллюстрациялык сүрөт.

COVID-19 илдетине каршы үч эксперименталдуу вакцина, анын ичинде Оксфорд университетинин окумуштуулары иштеп чыккан каражат алгачкы сыноолордо өзүн натыйжалуу жана коопсуз экенин көргөздү.

Сөз болгон бир вакцинанын үстүнөн "AstraZeneca" деген швециялык-британиялык компания жана Оксфорд университетинин окумуштуулары иштешкен. "The Lancet" медициналык журналында жарык көргөн макаланын автору Эндрю Полларддын айтымында, каражат коронавирустун бул түрүнө иммунитетти пайда кыларын жана организмге олуттуу терс таасир этпей турганын көрсөттү.

Тесттин биринчи жыйынтыгы дээрлик эки айдан кийин чыгарылды. Вакцина кадимки шимпанзеде сасык тумоого алып келген вируска негизделген. Андан кийин ал генетикалык жактан өзгөртүлгөн (модификацияланган). Бир доза дары сайылгандан кийинки бир айда адамдардын 91 пайызында жана эки доза алгандардын бардыгында вакцина организмди коронавирусту нейтралдаштырган антитела иштеп чыгууга түртөрү байкалган.

Окумуштуулардын тобу вакцина көп убакытка илдеттен коргойт деп үмүттөнүшөт, бирок анын натыйжалуулугун бышыкташ үчүн дагы сыноолор жүргүзүлүүгө тийиш.

Ушу тапта компания клиникалык изилдөөнүн үчүнчү баскычына өттү. Башкача айтканда эми вакцина ондогон ыктыярчыга сайылып, узагырак убакыт байкоо салынып турат.

Медицина тармагындагы эксперттер вакцинасыз дүйнөлүк алкакта 600 миңден көп кишинин өмүрүн алып кеткен коронавирусту токтотуу мүмкүн эмес деп эскертип келатышат.

Дүйнөлүк саламаттык сактоо уюмунун маалыматына ылайык, бери дегенде 23 каражат адамдарга карата текшерилүүдө. Жалпысынан дүйнө боюнча илимпоз адистер 100дөн ашуун ыктымал вакцинанын үстүнөн иштеп жатышат.

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG