Линктер

ЧУКУЛ КАБАР!
20-Июль, 2024-жыл, ишемби, Бишкек убактысы 06:03

Каримов: дезинфекциялоодон адам оорубайт


Кыргызстан. Дезинфекциялоо иштери. 22-июль, 2020-жыл.
Кыргызстан. Дезинфекциялоо иштери. 22-июль, 2020-жыл.

Өзгөчө кырдаалдар министрлигинин (ӨКМ) Калкты жана аймактарды коргоо башкармалыгынын башчысы Дайыр Каримов дезинфекция иштери Республикалык штабдын протоколу менен жүргүзүлүп жатканын билдирди. Дезинфекциядан кийин “оору күчөп кетти” деген сөздөрдү четке какты.

“Ар бир партия хлор келгенде аны текшерүү үчүн санитардык кызматтын лабораторияларына беребиз. Алар сапатын жана курамын аныктап беришет”, - деди Каримов.

Буга чейин ӨКМ дезинфекция каражаттары Саламаттык сактоо министрлигинин, эпидемиологдордун көрсөтмөсү менен даярдалып, бардык талаптарды аткаруу менен жүргүзүлөрүн билдирген.

Интернетте социалдык тармактардын айрым колдонуучулары дезинфекциялоодон кийин булганган аба пневмониянын күчөшүн шарттап жатканын жазып чыгышкан.

Ушул күндөрү Өзгөчө кырдаалдар министрлиги өлкө боюнча калк жыш жүргөн жерлерди өрт өчүрүүчү автоунаалар менен дезинфекциялап жатат. (TSh)

XS
SM
MD
LG