Линктер

ЧУКУЛ КАБАР!
20-Январь, 2021 шаршемби, Бишкек убактысы 21:39

Министр абадан "химиялык зат чачылып жатат" деген маалыматтарды четке какты


Иллюстрациялык сүрөт.

Транспорт жана жолдор министри Жанат Бейшенов Интернетте тарап жаткан ар кандай фейк кабарларга ишенбөөгө элди чакырды. Бейшенов 23-июлдагы онлайн брифингде социалдык тармактардагы “өлкөдө тик учактар химиялык уулуу заттарды чачып жүрөт” деген маалыматтарга түшүндүрмө берди.

“Мен социалдык тармактардагы “кичинекей тик учактар ар кандай химиялык каражаттарды чачып же санитардык иштерди кылып жатат” деген маалыматтарга токтолуп кетейин. Мындай маалыматтарга ишенбөөгө чакырам. Кыргызстанда бир дагы учуучу транспорт менен мындай иштер жасалган жок. Ал эми кечээ айрымдар жазып чыккан “Авто жир” тик учагы машыгуу иретинде учуп жүргөн”, - деди Бейшенов.

Кыргызстанда социалдык тармактарда “коронавирустун күчөшү дезинфекциялоодон, 5G технологиясынан болуп жатат” деген ар кандай маалыматтар байма-бай тарап жатат. Буга чейин Өзгөчө кырдаалдар министрлиги дезинфекциядан кийин “оору күчөп кетти” деген сөздөрдү четке каккан.

Ал эми Маалыматтык технологиялар жана байланыш боюнча мамлекеттик комитети Кыргызстандын аймагында 5G технологиясы орнотулган эместигин жана анын жабдыктарынын адамдын ден соолугуна тийгизүүчү зыяны тууралуу тастыкталган маалымат жок экенин билдирген. Өлкөнүн күч органдары жалган маалымат таратып, коомчулукту дүрбөлөңгө салгандар жоопкерчиликке тартыларын эскертти. (TSh)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG