Линктер

ЧУКУЛ КАБАР!
16-Январь, 2021 ишемби, Бишкек убактысы 14:30

Мурдагы элчи Кылычбек Султан 24-июлда дагы суракка барат


Кылычбек Султан.

Мурдагы элчи Кылычбек Султан 23-июлда кечке жуук сурактан чыкканын, 24-июлда түшкө чейин жана кечке маал дагы Улуттук коопсуздук боюнча мамлекеттик комитетке (УКМК) бара турганын "Фейсбуктагы" баракчасына жазды.

“Тилекке каршы, сурактын маңызы тууралуу азырынча айтууга тыюу салынды. Бирок соңку күндөрү болуп жаткан тенденция аркылуу өзүңөр деле түшүнсөңөр болот”, - деди мурдагы элчи.

Буга чейин Кылычбек Султан “Азаттык” радиосуна социалдык тармактарда бийликти сындап жазганы үчүн суракка чакырылып жатышы мүмкүн экенин айткан. Атайын кызмат мурдагы элчи кайсы иш боюнча чакырылганын кабарлай элек.

Кылычбек Султан «Фейсбуктагы» баракчасына 5-августта президент Сооронбай Жээнбековго импичмент жарыялоо боюнча нааразылык акциясы болорун жазган. Интернетте пандемия шартында бийликтин кетирген кемчиликтерин, коррупцияга каршы күрөш начар болуп жатканы тууралуу сын пикирлерин жазып келген.

Кылычбек Султан 2018-жылдын декабрында Түштүк Кореяда элчи болуп турган кезинде элчиликтерде коррупциялык иштер бар экенин жарыялаган. Терс көрүнүштөр тууралуу Тышкы иштер министрлигине, УКМКга, президенттик аппаратка жазган каттарына жооп болбогону үчүн президентке ачык кайрылганын айткан. Мындан кийин Султанов, мурдагы тышкы иштер министри Эрлан Абдылдаев дагы кызматтан алынган. (TSh)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG