Линктер

ЧУКУЛ КАБАР!
1-декабрь, 2020 шейшемби, Бишкек убактысы 02:09

Кыргызстан төрт өлкө менен авиакаттамды кайра ачууга кызыкчылыгы бар


«Манас» аэропорту. Архивдик сүрөт.

Кыргызстанда төрт мамлекет менен туруктуу аба каттамдарын кайра ачууга уруксат берилди. Бул тууралуу 28-июлда «Азаттыкка» Жарандык авиация агенттигинин директору Курманбек Акышев билдирди.

Анын айтымында, төрт мамлекет менен 1-августтан тартып туруктуу негизде каттамдарды уюштура баштоо тууралуу сүйлөшүү жүрүп жатат, бирок бардыгынан эле так жооп боло элек.

«Өткөн жумада №72 протоколдук тапшырма чыккан, - деди ал. - Ошонун негизинде төрт мамлекет – Түркия, Орусия, Казакстан жана Араб Эмираттары менен ачканга уруксат берилди. 1-августтан баштап деп жатабыз, бирок алардын шартына жараша болот. Мисалы, Орусия 1-августта ача албайт окшойт. Эгер ачып калса, жакшы болот. Алар жообун бере элек. Түркия «макулбуз» дегендей жооп берди, бирок сүйлөшүү аяктай элек. Казакстан макул болот го. Астанадан жана Алматыдан бирден рейс ачып берсе «Эйр Астана» уча турган болуп жатат. Азырынча алардан так жооп жок. Эмираттардан да жооп боло элек».

Кыргызстан эл аралык туруктуу авиакаттамдарды март айында башталган эпидемияга байланыштуу убактылуу токтоткон.

Бул маселени Коронавируска каршы республикалык ыкчам штаб өлкөдөгү эпидемиологиялык абалга жараша чечерин 23-июлда транспорт жана жолдор министри Жанат Бейшенов билдирген.

20-марттан 22-июлга чейин жалпысынан 113 чартердик рейс менен 18 миң жүргүнчү ташылды. (RK)

Пикирлерди көрүңүз (44)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG