Линктер

ЧУКУЛ КАБАР!
29-ноябрь, 2020 жекшемби, Бишкек убактысы 08:10

Шайлоо-2020: Жогорку сот Атамбаевге каршы тарапты колдоду


Сагынбек Абдрахманов.

Жогорку сот Борбордук шайлоо комиссиясын (БШК) Сагынбек Абдрахманов жетектеген Кыргызстан социал-демократиялык партиясын (КСДП) парламенттик шайлоого каттоого милдеттендирген чечимди күчүндө калтырды. Иш бүгүн 28-июлда каралып, ушундай чечим чыкканын «Азаттыкка» Жогорку соттун басма сөз кызматы кабарлады.

14-июлда БШК Абдрахманов жетектеген КСДПнын шайлоого карата өкүлдөрүн каттоодон баш тарткан. Мындай чечимин алардын мурдагы президент Алмазбек Атамбаевди жактаган КСДП менен соттук териштирүүлөрү аяктай электиги менен түшүндүргөн.

20-июлда Бишкектин административдик соту Абдрахмановдун БШКнын ошол чечимине каршы арызын карап, колдогон жана Боршайкомду аларды каттоого милдеттендирген.

БШК соттун бул чечимине арызданып Жогорку сотко кайрылган.

Атамбаев түптөгөн КСДП 2019-жылы экиге бөлүнүп, анын бирин «Атамбаевсиз КСДП» саясий кыймылынын жетекчиси Сагынбек Абдрахманов, ал эми Атамбаевди жактаган тарапты Жогорку Кеңештин депутаты Асел Кодуранова убактылуу жетектеп келди. Бул кызматты Кодуранова быйыл 27-майда ЖК депутаты Анвар Артыковго өткөрүп берген.

Эки тараптын ортосундагы талаш-тартыш жагдайы соттордо каралып жатат.

Атамбаев баштаган бир топ адамдар Кой-Таш окуясы үчүн айыпталып, соттолууда.

Кезектеги парламенттик шайлоо быйыл 4-октябрда өтөт. Ага катышуу ниетин 44 партия билдирди. (RK)

Пикирлерди көрүңүз (9)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG