Линктер

ЧУКУЛ КАБАР!
27-ноябрь, 2020 жума, Бишкек убактысы 08:07

АКШ Беларусту шайлоону таза жана калыс өткөрүүгө чакырды


Беларуста президенттик шайлоо 9-августта өтөт.

Кошмо Штаттар Беларусту 9-августка белгиленген шайлоону таза, эркин жана калыс өткөрүүгө чакырды. Минск бул жолу Европа Коопсуздук жана Кызматташтык Уюмунун (ЕККУ) өкүлдөрүн шайлоого көз салууга чакырбай койгон.

«Биз бул шайлоонун жүрүшүнө көз салыш үчүн ЕККУ өз байкоочуларын жибере албаганына терең өкүнүчтөбүз», - деп билдирди «Эркин Европа/Азаттык» радиосуна Мамдепартаменттин өкүлү Жорж Кент.

Ал ошондой эле Вашингтон журналисттердин кармалышы жана куугунтукталышы тууралуу да тынчсызданып жатканын айтып, бул маселени беларус аткаминелери менен сүйлөшүүдө да көтөргөнүн билдирди.

Кент басма сөз эркиндиги чечүүчү мааниге ээ экенин баса белгиледи. Ал ошондой эле Кошмо Штаттар Беларус эгемен мамлекет бойдон калышын каалай турганын, Минск өз саясий багытын тандоого укуктуу экенин кошумчалады. Ал өлкөнүн АКШ менен болгон алакалары Орусия менен тыгыз байланышына тоскоол болбошу керек экенин да билдирди.

XS
SM
MD
LG