Линктер

ЧУКУЛ КАБАР!
25-Июнь, 2021 жума, Бишкек убактысы 03:07

Кабул «Ислам мамлекети» тобунун жогорку даражалуу өкүлү жок кылынганын билдирди


«Ислам мамлекети» радикал уюмунун жогорку даражалуу өкүлү Асадулла Оракзай.

Ооганстандын Чалгын кызматы 1-августта билдиргендей, өлкөнүн атайын күчтөрү «Ислам мамлекети» радикал уюмунун жогорку даражалуу өкүлүн жок кылышты.

Ооганстандын улуттук коопсуздук башкармалыгы Асадулла Оракзай Жалалабад шаарындагы операция маалында өлтүрүлгөнүн маалымдады.

Оракзай өлкөдөгү бир катар адам өмүрүн алган чабуулдарга, анын ичинде күч түзүмдөрүнө жасалган кол салууларга да тиешеси бар деп шектелип келген. Операция качан өткөнү белгисиз.

Бириккен Улуттар Уюму соңку баяндамасында "Ислам мамлекети" радикал уюму Ооганстандагы тынчтык сүйлөшүүсүнө каршы чыккандарды өз тарабына тартууну көздөп жатканын билдирген.

Кошмо Штаттар менен "Талибан" кыймылынын ортосунда февраль айында кол коюлган тынчтык келишимине ылайык, талибдер «Ислам мамлекети» радикал уюмуна жана Ооганстандагы башка террордук топторго АКШга жана анын өнөктөштөрүнө каршы чабуул жасоосуна жол бербөө милдеттенмесин алышкан.

"Ислам мамлекети" террордук тобу жыл башында Кабулда уюштурулган кандуу окуя үчүн жоопкериликти өз мойнуна алган. Анда 25 адам каза болуп, он чакты киши жаракат алган.

"Талибан" менен Кабул ортосундагы тынчтык сүйлөшүүлөрү туткундарды алмашуу маселесинен улам токтоп турат.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG