Линктер

ЧУКУЛ КАБАР!
1-октябрь, 2020 бейшемби, Бишкек убактысы 23:20

Лукашенко: Минскиде кармалгандар кырдаалдын туруктуулугун бузуш үчүн атайын жиберилген


Александр Лукашенко.

Беларуста кармалган орусиялыктар өлкөдөгү кырдаалдын туруктуулугун бузуш үчүн атайын жиберилгенин президент Александр Лукашенко 4-августтагы жылдык кайрылуусунун убагында билдирди.

«Аларга «күткүлө» деген команда берилген. «Стамбулга билети бар эле» дегени - уламыш» дейт Лукашенко.

Анын айтымында, 29-июлда Минскиде кармалган орусиялык «Вагнердин жеке аскердик компаниясынын» жоокерлери дал Беларуска жиберилгенин моюнга алышкан.

Кармалгандарга каршы террордук актыларды даярдоо боюнча кылмыш иши козголгон. Орус бийлиги «алар - Минск аркылуу Түркияга бараткан жеке күзөтчүлөр» деп жооп кайтарган.

Президент Лукашенко 4-августта Беларустун түштүгүнө ташталган дагы бир отряд тууралуу белгилүү болгонун маалымдады. «Минскинин борборунда кыргын уюштуруу аракети айкын эле. Беларуска каршы миллиарддык ресурс коротулуп, жапжаңы технологиялар ишке салынды», - деди ал.

Постсоветтик бул өлкөдө президенттик шайлоо 9-августка белгиленген.

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG