Линктер

ЧУКУЛ КАБАР!
3-Август, 2021 шейшемби, Бишкек убактысы 02:03

Бишкек мэриясы маркумдарды шам жагып эскерүүгө чакырды


Иллюстрациялык сүрөт.

Бишкек мэриясы коронавирус курмандыктарын шам жагып эскерүү акциясын өткөрүү боюнча демилге көтөрдү. 6-августта борбор шаардын «Твиттердеги» баракчасы аркылуу төмөнкү билдирүү таратылды:

«Урматтуу шаардыктар! 29-августта COVID-19 дартынан жана пневмониядан каза болгондордун жаркын элесине арналган «Эскерүү шамы» акциясына чакырабыз. Саат 21:30да үйдөгү жарыкты өчүрүп, терезени ачып, шам жагып, каза болгондорду эскерели».

Кытайдын Ухань калаасынан чыккан COVID-19 вирусу 2020-жылдын алгачкы айларынан тартып дүйнөнүн булуң-бурчуна тараган.

Кыргызстанда бул илдет 18-мартта үч адамдан табылган. 6-августтагы расмий кабарга ылайык, дартка 38 659 киши чалдыкты. Анын 30 099у айыгып, 1447 бейтап каза болду.

АКШдагы Жон Хопкинс университетинин маалымат базасына таянсак, 7-августка карата дүйнөнүн 188 мамлекетинде оору жуккандар 18 миллион 986 миң кишиден ашты. Сакайгандар 11 миллион 500 миңдей, көз жумгандар 712 314 киши.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG