Линктер

ЧУКУЛ КАБАР!
25-сентябрь, 2020 жума, Бишкек убактысы 19:40

КТРКнын сайтынын жетекчиси Нурзат Ниязова каза болду


Нурзат Ниязова.

Узакка созулган оорудан улам, Коомдук телерадио корпорациясынын (КТРК) сайтынын жетекчиси Нурзат Ниязова каза болду. Бул тууралуу маалымат КТРКнын сайтына чыкты.

Нурзат Ниязова 1981-жылы 12-ноябрда Бишкек шаарында төрөлгөн. 1999-жылы Ишеналы Арабаев атындагы мамлекеттик университетке караштуу Гуманитардык билим институтунун котормочу адистиги боюнча факультетине тапшырып, аны 2004-жылы аяктаган.

2006-жылы Корпорациянын курамындагы Республикалык радиотеле борборуна ишке алынып, КТРКнын сайтынын ишке киришине салым кошкон. 2015-жылдан тартып КТРКнын сайтын колдоо бөлүмүндө жетекчилик кызматта иштеп келген. Артында үй-бүлөсү, эки баласы калды.

«Азаттык» радиосунун жамааты Нурзат Ниязованын жакындарына көңүл айтып, жакындарынын аза кайгысын тең бөлүшөт. (BTo/MSd)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG