Линктер

ЧУКУЛ КАБАР!
27-октябрь, 2020 шейшемби, Бишкек убактысы 03:54

ӨКМ: жыл башынан бери 57 адам сууга чөгүп каза болду


Иллюстрациялык сүрөт.

Өзгөчө кырдаалдар министрлигинин (ӨКМ) маалыматына караганда, ушул жылдын 11-июнуна чейин ар кандай себептер менен 57 киши сууга чөгүп каза болду.

Алардын арасында 29 эркек, беш аял, 14 бала жана тогуз өспүрүм бар. Өткөн жылдын 10-августуна чейин өлкөдө 122 адам сууга чөгүп өлгөн. Салыштырмалуу 2020-жылы суудагы кырсык эки эсе аз катталды.

Өзгөчө кырдаалдар министрлиги адамдарга сууга түшүү эрежелерин эскертет:

  • 1. Сууга түшүүгө мүмкүн болбогон жерлерге (агын суулар, көлмөлөр) сууга түшүүгө тыюу салынат. Ата-энелер, жаш балдарга өзгөчө көңүл буруңуздар.
  • 2. Сууга уруксат берилген жайда, ал эми жаш балдар, бөбөктөр чоңдордун көзөмөлүндө сууга түшүшү керек;
  • 3. Тааныш эмес, балыры көп, алыс жерлерге чейин барууга тыюу салынат;
  • 4. Сууга мас абалында түшпөңүз;
  • 5. Суу боюнда балдарды кароосуз калтырбаңыз;
  • 6. Кайыктын, катамарандын артынан кубалап, асылууга, жабышууга болбойт;
  • 7. Күн бүркөктө же катуу шамал башталганда сууга түшүүгө болбойт;
  • 8. Үйлөмө матрацтарда, жаздыкчаларда, дөңгөлөктүн камерасында сүзүүгө болбойт, ал жарылып кетсе, адам кокусунан терең жерге түшүп кетет, бул сүзгөндү жакшы билгендер үчүн да коркунучтуу;
  • 9. Көпүрөлөрдөн, тосмолордон, кеме токтоочу жайлардан, кайыктан жана катерлерден сууга секирүүгө болбойт.
  • 10. Сууга чөгө баштаганда өзүн жоготпой, акырын шашпай, тынчтыкты кармоо менен өзүн-өзү сактап калса болот. Кескин кыймыл жасабаш керек, анткени суу оозго, өпкөгө тез толуп, буттун тарамыштары түйүлүп калат. (BTo)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG