Линктер

ЧУКУЛ КАБАР!
18-сентябрь, 2020 жума, Бишкек убактысы 16:12

Бюджеттен тышкары иштегендерге да ипотека берилет


Бишкекте курулуп жаткан үйлөрдүн бири.

Кыргызстанда бардык жарандар Мамлекеттик ипотекалык компаниядан насыя алса болот. Мекеменин директору Элмира Абжапарова 13-августтагы брифингде кыргыз жана немис өкмөттөрү Германиянын өнүктүрүү банкынан 10,5 миллион евро грант алуу тууралуу келишимге кол койгонун билдирди.

Бул акчанын эсебинен Кыргызстандын бардык жарандарына, патент менен иштегендерге, бюджеттен тышкаркы чөйрөдөгүлөргө да ипотекалык насыя берилет.

Каалоочулар насыяны "Кыргызстан", "РСК Банк" жана "Кыргыз инвестициялык-насыялык банкы" коммерциялык банктары аркылуу 10% жылдык үстөк менен 15 жылга чейинки мөөнөткө ала алышат. Ушул долбоордун алкагында бүгүнкү күнгө чейин 158 миллион сомдук 153 насыя берилди.

Беш жыл мурда түзүлгөн Мамлекеттик ипотекалык компания буга чейин насыя берүүдө бюджеттик кызматкерлерге басым жасала турганын айткан. Эки жыл мурда насыя бардык жарандарга берилет деген чечим чыккан.

Мекеме беш жыл ичинде жалпы 5,5 миллиард сомдук 4 700 насыя берген. (NT)

Пикирлерди көрүңүз (41)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG