Линктер

ЧУКУЛ КАБАР!
5-декабрь, 2020 ишемби, Бишкек убактысы 15:10

Беларуста өлкө боюнча иш таштоо башталды


Минскидеги трактор дөңгөлөктөрүн чыгарган заводдун (МЗКТ) жумушчулары иш ташташты. 17-август, 2020-жыл.

17-августта Минск трактор заводунун (МТЗ) жана Минск автомобил заводунун (МАЗ) жумушчулары көчөгө чыгып, Минскидеги трактор дөңгөлөктөрүн чыгарган заводду (МЗКТ) көздөй бет алышты.

Ал жакка бул кезде тик учак менен президент Александр Лукашенко барган эле. МЗКТнын жумушчуларынын айтымында, президент алардын баары менен жолугушпай, цехтердин бирине чогулган «тандалма» кишилердин алдында гана сүйлөгөн.

Лукашенко Беларуста иш таштоого карабай «заводдор иштеп жатканын» айтып, ишканаларда «ашыкча» жумушчулар көп болгонун кошумчалады.

«Айрымдар тентип жүргөнүн билем. Эми бир ишканада 150 же 200 киши аба ырайын өзгөртпөйт. Каалагандар иштесин. Көңүлү жокторду мажбурлабайбыз», - деп президенттин айтканын мамлекеттик «БелТА» агенттиги жазды.

Дүйшөмбүдө иш таштагандарга Беларус телерадиокомпаниясынын журналисттери жана техникалык кызматкерлери кошулушту. Акцияларды колдогон 600дөй кызматкерди компаниянын имаратына киргизбей коюшту.

Иш таштагандар Беларуста жаңы шайлоонун өткөрүлүшүн, саясий туткундардын бошотулушун жана жарандарга каршы күч колдонууга жол берген Ички иштер министрлиги менен ОМОНдун жетекчилеринин кызматтан кетишин талап кылып жатышат.

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG