Линктер

ЧУКУЛ КАБАР!
1-декабрь, 2020 шейшемби, Бишкек убактысы 04:32

Бүгүн чек ара чырында айыпталган төрт кишинин иши каралат


Кыргыз-тажик чек арасындагы Көк-Таш айылы. Аймакта чек аранын эки тарабындагы элдин ортосунда байма-бай чыр чыгып турат.

Ишти Баткен райондук соту карайт. Айыпталуучулардын адвокаты Алтынбек Сатаровдун «Азаттыкка» билдиргени боюнча, учурда мамлекеттик айыптоонун күбөлөрү көрсөтмө берип жатышат.

«Мамлекеттик айыптоонун 11 күбөсү суралды. Дагы тогузу калды. Андан кийин биздин күбөлөр суралат», - деди ал.

Көк-Таш айылындагы чек ара чырына байланыштуу айыпталып жаткан төрт жарандын иши боюнча соттук териштирүү июль айынан бери жүрүп келе жатат.

Баткен районунун Көк-Таш айылынын төрт тургуну «Массалык башаламандык» жана «Ээнбаштык» беренелери боюнча шектүү катары 11-январда кармалган. Кадамжай райондук соту 13-январда аларды бир айга камакка алган. 17-январда сот экөөнү - Жазык кодексинин 264.2-беренеси («Массалык башаламандыкка катышуу») боюнча шектүү катары кармалган Улукбек Сапарбаев менен Үсөн Сапарбаевди үй камагына чыгарган.

Калган экөө - Зайнидин Бердиев менен Нурбек Сапарбаев Жазык кодексинин 264.1-беренеси («Массалык башаламандыкты уюштуруу») 253.1-беренеси («Ок атуучу куралды мыйзамсыз алып жүрүү») боюнча айыпталып, камакка алынган. Сот аларды 29-февралда үй камагына чыгарган. (ZKo)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG