Линктер

ЧУКУЛ КАБАР!
28-ноябрь, 2020 ишемби, Бишкек убактысы 23:04

Беларус өкмөтү кайра дайындалды


Беларус өкмөт башчысы Роман Головченко.

Александр Лукашенконун 19-августтагы жарлыгы менен беларус өкмөтү кайра дайындалды. Ага ылайык бардык министрлер, анын ичинде күч түзүмдөрүнүн жетекчилери да өз ордунда калышты. Өкмөт башчы болуп Роман Головченко кайра дайындалды. Тышкы иштер министри Владимир Макей, ички иштер министри Юрий Караев ордунда калды.

Бул аралыкта Беларуста президенттик шайлоонун жыйынтыгына нааразылык акциялары 11-күн катары менен уланды.

Батыш өлкөлөрү, Евробиримдик беларус бийлиги тарабынан демонстранттардын кууп таркатылышын жана аларга күч колдонулушун сынга алышкан.

9-августтан бери уланып жаткан массалык акцияларда жүздөгөн киши жаракат алып, жети миңдей адам кармалды. Үч киши набыт болгону расмий кабарланды.

19-августта Евробиримдик Беларустагы шайлоонун жыйынтыгын тааныбай турганын жарыялаган. Мындан тышкары добуш бурмалоого жана нааразылык акцияларын күч менен басууга тиешеси бар адамдарга санкция салынарын билдирген.

9-августта өткөн президенттик шайлоодо Беларусту 1994-жылдан бери башкарып келаткан Александр Лукашенко добуштардын 80% алган. Бирок жарандык коом шайлоонун жыйынтыгы бурмаланган деп эсептейт.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG