Линктер

ЧУКУЛ КАБАР!
25-ноябрь, 2020 шаршемби, Бишкек убактысы 02:31

Кыргызстандын мамлекеттик бюджетинин кирешеси 10% азайды


Финансы министрлиги.

2020-жылдын жети айында Кыргызстандын мамлекеттик бюджети 76,3 миллиард сомду түздү. Бул бир жыл мурунку ушул мезгилге салыштырмалуу 10,1% же 8,6 миллиард сомго аз. Бул тууралуу Финансы министрлигинин маалыматында айтылат.

Быйыл январь-июль айларында мамлекеттик бюджеттин кирешеси боюнча план дээрлик 90% аткарылып, казынага 8,9 миллиард сом түшпөй калды.

Салык кирешеси 53,4 миллиард сомду түзүп, пландагыга караганда 12,9 миллиард сомго аз жыйналды.

Мамлекеттик бюджеттин салыктан тышкары кирешеси 17 миллиард сомду түзүп, 106,3% аткарылган. Бул былтыркыга салыштырмалуу 5,1% көп.

Финансы министрлигинин маалыматына караганда, айыппулдардын, ыктыярдуу трансферттердин жана гранттык каражаттардын эсебинен салыктан тышкары киреше көбөйгөн.

Коронавирус эпидемиясынан улам май айында өкмөт өлкө бюджетин кайра караганга мажбур болгон. Жыйынтыгында бюджеттеги таңкыстык 28,4 миллиард сомду түзүп, эгемендик жылдардагы рекорддук көрсөткүчкө жетти.

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG