Линктер

ЧУКУЛ КАБАР!
19-Январь, 2021 шейшемби, Бишкек убактысы 23:23

Парламенттик шайлоого катышууга 17 партия документтерди тапшырды


Иллюстрациялык сүрөт.

Жогорку Кеңешке шайлоого катышууга аттанган партиялардын 17си Борбордук шайлоо комиссиясына (БШК) талапкерлердин тизмесин жана тийиштүү документтерди тапшырып үлгүрдү. Алардын бири – «Актив» партиясы шайлоо фондун төлөй элек.

Бул тууралуу 24-августта БШКнын басма сөз катчысы Руслан Изреков билдирди.

Эрежеге ылайык, партиялар 24-августта кечки саат алтыга чейин тизмесин жана документтерди тапшырып, жарышка расмий уруксат алууга тийиш.

Бардык талапты аткарган 16 партия төмөнкүлөр:

«Кыргызстан»,

«Биримдик»,

«Бир Бол»,

«Республика»,

«Ата Мекен»,

«Мекеним Кыргызстан»,

«Мекен Ынтымагы»,

«Мекенчил»,

«Реформа»,

«Социал-демократтар»,

«Ыйман Нуру»,

«Бүтүн Кыргызстан»,

«Замандаш»,

«Чоң Казат»,

«Ордо»,

«Ооган согушунун ардагерлери жана ушул сыяктуу кагышууларга катышкандардын саясий партиясы».

Партиялардын документтери жана каржы маселесине байланыштуу суроолор 4-сентябрга чейин талкууланат. 4-сентябрда бир айлык үгүт иштери башталат. Шайлоо 4-октябрга белгиленген.

Алгач парламентке ат салышууга 44 партия ниетин билдирген. 24-августта түштө БШК 23 партия шайлоого катышуудан баш тартканын кабарлаган.

Кыргызстанда 120 орундуу парламентке депутаттар партиялык система менен беш жылда бир шайланат. (SE\BTo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG