7-сентябрда Бишкекте экологиялык акция өттү. “Көгүлтүр асман үчүн таза аба” (International Day of Clean Air for blue skies) эл аралык күнүнө карата өткөрүлгөн иш-чараны экологиялык "MoveGreen" жаштар уюму уюштурду.
Алардын айтымында, акциянын максаты – абанын булганышынын адамдын ден соолугуна тийгизген терс таасири жана экологияны коргоо чаралары тууралуу маалымат берүү болду.
7-сентябрь Бириккен Улуттар Уюмунун чечими менен “Көгүлтүр асман үчүн таза аба” күнү деп жарыяланган.
2019-жылдын ноябрь айында Бишкек дүйнөдөгү абасы эң булганыч шаардын бири аталган. (RK)