Линктер

ЧУКУЛ КАБАР!
25-Февраль, 2021 бейшемби, Бишкек убактысы 12:00

Өкмөт 221 миллион сомго сасык тумоого каршы вакцина сатып алды


Иллюстрациялык сүрөт.

Өкмөт сасык тумоого каршы 700 миң доза вакцина сатып алды. Бул тууралуу 8-сентябрда өкмөттүн басма сөз кызматы кабарлады.

Эмдөө каражаттарын сатып алууга 221,5 млн сом коротулганы маалым болду. Биринчи кезекте балдар, мугалимдер, калктын аярлуу катмары жана дарыгерлер эмделери айтылды.

Премьер-министр Кубатбек Боронов өлкөдө эпидемиологиялык абал жакшырды деп айтуу азырынча эрте экенин белгилеп, коомдук жайларда, билим берүү мекемелеринде кабыл алынган алгоритмдерге ылайык санитардык-эпидемиологиялык талаптар күчөтүлөрүн кошумчалады.

Эмдөө маселеси 8-сентябрда Коронавируска каршы республикалык ыкчам штабдын жыйынында да талкууланып, элдин сасык тумоого жана респиратордук вирустук инфекцияларга каршы эмделиши COVID-19 пандемиясы учурундагы абалды жеңилдетери айтылды.

Жалпысынан коронавирус эпидемиясы башталган март айынан бери Кыргызстанда бул илдет 44 526 адамга жукту, алардын 40 158и айыкты, 1062 бейтап каза болду. (RK)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG