Линктер

ЧУКУЛ КАБАР!
3-Август, 2021 шейшемби, Бишкек убактысы 01:59

Евробиримдиктин «MED 7» тобу Анкарага эскертүү берди


Евробиримдиктин түштүгүндөгү айрым мамлекеттер эгер Анкара Грекия жана Кипр менен аймактык талаш боюнча сөзгө келбесе Түркияга жаңы санкция киргизерин эскертишти.

Бул тууралуу 10-сентябрда, Франциянын президенти уюштурган «MED 7» тобунун бейформал жыйынынан кийин айтылды. Бул топко шаркеттин Жер ортолук деңизи аймагындагы жети мүчөсү - Франция, Грекия, Италия, Мальта, Португалия жана Испания кирет.

Ушул тапта Грекия менен Кипр газ кору жана деңиз чек аралары боюнча Түркия менен чырдашып жатышат. Анкара талаштуу аймакта газ корун чалгындоого жана өндүрүүгө укугу бар экенин билдирүүдө.

Француз президенти Эммануэл Макрон маселе түрктөрдө эмес, президент Режеп Тайып Эрдоганда экенин айтты. Эрдогандын партиясынын өкүлү Омер Челик Макронду бул сөздөрүн «баскынчылык ыкма» деп «Твиттерде» сындады.

Ошол эле учурда «MED 7» тобунун бүтүмү Евробиримдиктин позициясын билдирбейт.

Түркия бир нече жылдан бери Евробиримдикке кошулгусу келерин билдирип келет. Талдоочулар бул талаш-тартыштардан улам өлкөнүн шаркетке кошулушу оор болорун белгилешет.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG