Линктер

ЧУКУЛ КАБАР!
28-октябрь, 2020 шаршемби, Бишкек убактысы 06:06

Боронов: Элдин кен иштетүүчү компанияларга мамилеси оңоло баштады


Кубатбек Боронов.

Кен казуучу компаниялар иштеп жаткан аймактарда жергиликтүү тургундар инвесторлорго көбүрөөк түшүнүү менен мамиле кыла башташты. Бул тууралуу 14-сентябрда президент Сооронбай Жээнбеков менен өткөн онлайн кеңешмеде өкмөт башчы Кубатбек Боронов билдирди.

Президенттин басма сөз кызматы кабарлагандай, өкмөт башчы Жалал-Абад облусунун Чаткал, Ала-Бука жана Аксы райондорун кыдырып чыкканын, тоо-кен тармагында иштеген инвесторлордун каражатына социалдык багыттагы долбоорлор жүзөгө ашырылып жатканын жана компанияларда иштеген жергиликтүүлөр улам көбөйүп келатканын белгиледи.

Президент Сооронбай Жээнбеков аймактарда эл арасында кен казуу тармагына инвестор тартуунун, ар кандай чагымчыл чакырыктарга жол бербөөнүн маанилүүлүгүн түшүндүрүү зарыл экенин айтты. Ошону менен катар инвесторлордун ишмердүүлүгүндө социалдык жагдайдын эске алынышы керек экенин кошумчалады.

2019-жылдын 6-февралында жер казынасын пайдалануу чөйрөсүндөгү абалды өлкөнүн Коопсуздук кеңеши талкуулап, кен казуу тармагынын өндүрүш объектилеринде жергиликтүү элдин каршылык маанайы бар экени, инвесторлордун ишин токтотуу максатында элди козуткандарды аныктоо жана жоопко тартуу зарыл экени айтылган. Президент Сооронбай Жээнбековдун төрагалыгы менен өткөн жыйында бул тармактын өнүгүшүнө жемкордук да тоскоолдук жаратып жатканы, айрым ыйгарым укуктуу мамлекеттик органдарда, айрыкча лицензия-уруксат берүү системасында коррупция терең жайылганы белгиленген. (RK)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG